Lecer &Cultura

SOPRANO

Montserrat Caballé anuncia que se retirará cunha xira aos 80 anos

«No meu pensamento está facer unha turné de despedida nos lugares nos que cantei»,

aínda que recoñece que non lle dará tempo.

Autor: Efe
Data: 17/1/2011
Hora: 23:52 h

A soprano Montserrat Caballé anunciou onte a súa intención de facer unha xira «de adeus» cando cumpra 80 anos, deica pouco máis de dous. Tras 56 anos na música, segundo confesou, gustaríalle facer unha xira por todos os escenarios nos que cantou ao longo da súa traxectoria artística cando cumpra os 80, o 12 de abril do 2013. «No meu pensamento está facer unha turné de despedida nos lugares nos que cantei», aínda que recoñece que non lle dará tempo.

A soprano tamén explicou que ten «moitas peticións» doutras cidades de España e do mundo para acoller o Concurso Internacional de Canto, para o que se acaban de abrir as inscricións para a quinta edición, pero o seu desexo é mantelo en Aragón, comunidade á que está unida por vínculos familiares, xa que o seu marido, o tenor Bernabé Martí, naceu en Villarroya de la Sierra (Zaragoza), e polo seu amor á Virxe do Pilar e ao Cristo que alberga o templo.

O ano pasado presentáronse ao concurso 260 aspirantes e por Zaragoza xa pasaron máis de 1.300 mozos cantantes dos cinco continentes. Os gañadores da edición anterior están a realizar as súas carreiras profesionais nos máis prestixiosos escenarios. Así, o gañador do ano pasado, o barítono estadounidense Sidney Outlaw, está contratado polo Metropolitan de Nova York, e a do 2009, a soprano surafricana Pretty Yende, na Scala de Milán. «Me enorgullece dicir que moitos dos grandes cantantes lanzáronse desde o concurso de Zaragoza», resaltou Caballé durante a presentación do certame.

© Copyright LA VOZ DE GALICIA S.A.
Polígono de Sabón, Arteixo, A Coruña (España)
Inscrita no Rexistro Mercantil da Coruña no Tomo 2438 do Arquivo, Sección Xeral, aos folios 91 e seguintes, folla C-2141. CIF: A-15000649.

No hay comentarios:

Publicar un comentario