Feliz Curso 2012 / 2013

Dende aquí vos desexo a todos un Feliz Curso 2012 / 2013 

 A importancia de entrar a un Aula de Música cunha decoración que nos invite a facer Música!!

Unha aperta!

O.  

   

Viva Mozart!!

Seguimos traballando na vida e obra de Mozart. Estamos realizando un pequeno libro cos datos máis importantes deste grandísimo compositor e xenio, que teremos rematado para final de curso. Por aquí deixamos un bonito retrato realizado por un dos alumnos de 4º Curso e un pequeno mural con Mozart Warhol realizado polos alumnos do 2º Ciclo.

 

 

 

 

 

 

 

 

 

 

Unha aperta!

 

O.

Colocando Xilófonos e Metalófonos!!

Aquí está 4º Curso, todos afaenados colocando as placas nos xilófonos e metalófonos.

Final de curso...

Xa vai chegando o final do curso 2010/2011... Uf, pasou voando... Xa estamos preparando con esforzo e entusiasmo as actuacións para o festival do 21 de xuño, que ademáis coincide co Día da Música! E xa estamos preparando tamén o traballo das clases para que cada alumno/a presuma na casa de todo o que aprendeu neste curso, e tamén presuma das cousas que non se pode levar no papel!

A seguir traballando!

Unha aperta,

O.

Maios 2011 / CEIP de Viñas

No CEIP de Viñas xa celebramos os Maios`11. Despois de preparalos con moita ilusión, preparar as coplas, musicalas, preparar as flores para decorar o Maio... por fin os celebramos! As coplas foron realmente boas! Deixamos por aquí algunhas delas:

Coplas de Infantil

Este ano a nosa Biblio

mellorou un mogollón

temos moitos contos novos

ata pantalla e canón!

(...)

Cando nos vindes buscar

poderedes atopar

unha cheminea enorme

que seguro os molará!

__________________________________________________

Coplas 1º Curso

 Aquí están os nosos Maios

que nós vimos a cantar

con ledicia e bo gusto

co desexo de agradar.

(...)

A nosa profe Maricha

fainos pór boca de pez

e coa nosa profe Olga

cantamos todos á vez.

___________________________________________________

Coplas de 2º Curso

Chega o Maio florido,

chega o Maio namorado,

os alumnos de segundo

imos intentar cantalo.

(...)

Agora nos despedimos,

agora xa rematamos,

esperamos un aplauso

polo ben que as cantamos!

_____________________________________________________

Coplas de 3º Curso

Ao redor deste Maio

temos moito que contar

os alumnos de terceiro

vos queremos saudar.

(...)

Imos moito ao teatro

que moi divertido é

e sentados nos asentos

sen podernos nin mover!

_____________________________________________________

Coplas de 4º Curso

Xa chegou a primavera

nós cantamos e bailamos,

ao carón do noso Maio

a así o festexamos!

(...)

Está ben o de estudar

e tamén o traballar,

mais querémosvos lembrar

o importante de xogar.

____________________________________________________

Coplas de 5º Curso

Nenas e nenos de quinto

vimos cantar e tocar,

agardamos que vos guste

e que vos faga gozar!

(...)

Esta nosa profe Loli

ponnos sempre moitas "Mates"

pero nós o que queremos

e que rematen as clases.

______________________________________________________

Coplas de 6º A

Somos alumnos de sexto

este curso xa marchamos,

pasaremos ao Instituto,

xa viremos visitarvos.

(...)

Damos Plástica en inglés,

chámanlle Sección Bilingüe,

pintamos con "plis" e "yes"

e aprendemos moito "inglis"

______________________________________________________

Coplas de 6º B

Este ano á Biblioteca

démoslle unha nova cara

para que nenos e profes

poidan mellor disfrutala.

(...)

Xa deixamos os de 6º

o colexio e os recreos,

marcharemos para o IES

e atoparnos outros nenos.

Unha aperta!

O.

Explorando o piano...

A verdade é que foi unha gran idea darlle aos merliños a oportunidade de explorar o piano, algún sentiu verdadeira paixón por este instrumento. Deixamos un vídeo onde algúns dos alumnos de 4º Curso nos deixan abraiados coa súa musicalidade e as súas dotes pianísticas!

Paula ao piano

Yolanda

Mandiara é tranquilidade...

Ismael sorprendéndonos!

Georges Bizet - Juego de niños op. 22 (Pequeña suite). Galop: Le bal

No 2º Ciclo traballamos cunha audición que lle encantou a todos, alégrome moito. A audición en cuestión é Juego de niños op. 22 (Pequeña suite). Galop: Le bal, de Georges Bizet. Esta música é ideal para traballar a intensidade. Todos os alumnos gozaron interpretando corporalmente as distintas intensidades que se reflicten na obra. Ao finalizar cada neno/a dá a súa opinión sobre a audición e a actividade, así podemos facernos unha idea do traballo que estamos a facer, se funciona ou non é por que. Nesta ocasión todos coincidiron máis ou menos no carácter ledo da música e dos xestos que asociamos a cada intensidade. 

Aquí vos deixo un vídeo con esta peza interpretada ao piano, aínda que nós a traballamos coa orquesta, esta versión está moi ben, xa veredes...

O compositor Georges Bizet

Reseña biográfica de Bizet 

(Francia, 1838-1875)

Compositor francés membro dunha familia de músicos, coñecido sobre todo polas súas óperas. O seu verdadeiro nome é Alexandre Cesar Leopold Bizet. Naceu en Bougival, cerca de París e estudou no conservatorio da capital francesa. Tamén estudou piano con Antoine Marmontel. En 1857 obtivo o premio de Roma. Entre as súas óperas atópanse Los pescadores de perlas (1863), La jolie fille de Perth (1867) e Djamileh (1872).
 

Carmen (1875) é considerada a súa obra máis importante. A pesar de que o éxito non foi inmediato e o músico sufriu moitísimo pola mala acollida do público, co paso do tempo converteuse nunha das óperas máis famosas e coñecidas. 

Unha aperta,

O.

O Caxixi

O caxixi é un instrumento que chegou de agasallo este curso escolar ao CEIP de Viñas. É un instrumento que gusta moito a todos os alumnos/as e nos acompañamentos todos o queren tocar! así que haberá que ampliar caxixis de cara o próximo curso. Xa veremos xa veremos...

Deixamos por aquí unha pequena reseña:

É un instrumento de orixe africana, con forma de pequeno cesto de palla trenzada que pode ter varios tamaños e pode ser doble ou triple. Tócase axitando. No seu interior ten trozos de acrílico, arroz e semillas secas.

Os nosos caxixis

Unha aperta!

O.

4º Curso

E cando se traballa con gusto... hai que presumir de traballo! Aquí temos aos alumnos e alumnas de 4º Curso ensaiando coa frauta. Sempre tentamos dedicarlle o seu tempo dentro da clase, pero é preciso lembrar que sen o estudo diario na casa... a frauta non soa por casualidade. Tamén traballamos con fichas que sempre nos axudan a afianzar os conceptos.

 Miguel, Jaime e Alex

 Mandiara e Paula

 Ismael traballando a liña e o espazo,

pequenos esquemas rítmicos e as figuras

Miguel moi concentrado

Bo traballo, rapaces.

Unha aperta,

O.

Día da Paz 2011

O MerLo deixa no blog un resumo en vídeo da actividade para a Paz "Titiras para o Mundo". Aproveitamos para engadir música para a Paz...

Nota Importante: non esquezas pinchar no Pause do reproductor do Canto do Merlo, para que non se superpoñan os sons.

Apertas,

O.

Bo NadaL!!

Parabéns!

Teño que darvos unha boa noticia... A nosa frase do blog, a que aparece no pentagrama do título do blog: "A música é o segredo a voces para ser feliz", foi unha das gañadoras e seleccionadas para a elaboración do calendario do noso blog amigo Ritmo en los Barrios de Nicaragua. O Merlo está feliz e quere compartir a súa felicidade con todos os nenos e nenas do CEIP de Viñas!

Aínda que xa temos un enlace ao noso blog amigo dende a lista de blogs, vos deixo un enlace directo nesta entrada de Ritmo en los Barrios de Nicaragua, e un vídeo onde podedes ver unhas fotografías que reflicten todo o seu traballo musical. Verdadeiramente paga a pena coñecer todo o traballo que se está levando a cabo nesta parte do mundo...

Enlace: Ritmo en los Barrios de Nicaragua

Apertas!